Fleur i su amiga i kolega stiwardès Denise a buk un buelo pa Kòrsou. No tin nada mas dushi ku keiru bai afó un par di dia, laga tur doló di kabes rònt di su divorsio di Joost un ratu atras. Huntu ku Charlie, un pùrser grasioso, nan ta atendé businessclass. Normalmente Fleur sa bon kon tene distansia di su pasaheronan pero esaki no ta bai asina fásil ku Brian, un kabayero intrigante, nasí i lantá kriá na Kòrsou. Ora Brian ta invitá e trio pa un trep ku su yate luhoso, ta manera chispa ta bula entre nan dos. Pero despues di un anochi ameno na playa di Jan Thiel, su siguiente mainta Fleur no ta aparesé na desayuno.