Partisipá na e Festival di Eskritor Kòrsou Online i toka e suerte di haña fama eterno.
Mundu ta kabes abou. Loke ayera tabata parse asina gewon, awe ya ta detektá. Kada un di nos, na nos manera, ta trata na duna kontenido na e bida diario nobo akí. Nos organisashon meskos!
Mediante e Festival di Eskritor Kòrsou Online WIENE ke invitá un i tur ku stima idioma pa deskargá nan mes dje kontraste kandente dje tempu akí i pon’é riba papel.

Kambia nesesidat den birtut i skibi bo storia. Hasi esei den bo propio estilo: skibi un kuenta kòrtiku, poema, rèp òf kansion. Imeil bo kreashon via e formulario online akibou i habri e oportunidat pa pronto bo mira bo obra publiká bou di bo nòmber den un tomo di kuenta kolektivo digital.
Ki bo di, master no?

Tema dje Festival di Eskritor Kòrsou Online ta: Kontraste kandente.
Un título ku ta kuadra ku e tempu ku nos ta bib’aden awor i ku alabes ta título dje último buki di WIENE.

Partisipá i toka e suerte di risibí un kopia grátis dje novela di suspenso intrigadó akí, plùs topa ku e outor en persona!

Hende di tur edat rònt mundu por partisipá.
Skibi bo mihó obra na hulandes, papiamentu, ingles òf spañó, simplemente yena e formulario akibou i mand’é na e wèpsait Wiene schrijft promé ku 31 di mei 2020.

Bo tin mas pregunta? Djis manda un imeil na: writersfestival@wieneschrijft.nl

Partisipá i gosa dje biahe akí!
Nos ta alegrá nos mes di por disfrutá huntu ku bo di bo talento!

E partisipashon pa e Festival di Escritor ta sera.